Pynman ka VDP Namdong-B yei pynsñiawthooh ya ki kaam wa ktah ya ka imlang sahlang

Ka VDP Namdong-B, West Jaiñtia Hills ha ka 10 tarik uni u bnai da pynman ko ya ka yalang pynsñiawthooh paidbah hajrong ki kaam pyrchah ya aiñ ha yung (Domestic Violence), i maa wa mih nei drugs wa i yoh khon dang khynnah kawa da e pyrtuid Awareness Program on Domestic Violence, Drug Abuse and Teen Marriage.

Ha i step heipor kamwa 7:00 waje da sdang deiwa pynman yei yaphet Marathon neibynta ki khon ka chnong.

Hei sngi nawon da em ka yalang pynsñiawthooh ya kawa da pynlai da u Secretary ka chnong Namdong-B, u Serus Lipon wei da yoh i kyntien pdiang burom na u Waheh Chnong ka Namdong-B, u Damian S War.

Hadien ini da yoh i pynsñiawthooh na ki bru ka Health Department wa e da ka Dr. Hun Dhar neitæ u In-Charge ka Police Outpost Saitsama, u K. Rani, i klam na ka heh ka DLSA, ka E. Passah wa na ka SI ka Nartiang Police Station ka B. Shadap.

Related posts

Phah ka HC ya ka sorkar wow chim rai yei thmu wow wai ya ki Wine Store ha Pommura

September 2, 2025

Ym em jia katkam wa pynbaad ka khynnah skur wa chah dung ko da u thyrnia ha ki bru wa wan da ka Scooty

September 2, 2025

Da pynkupburom leh ya ki dkhot ka VDP kiwa da kreh ka’it mynsien, da saam leh ya ki Prize cha kiwa jop ka Marathon kamjooh leh da pynkupburom ya kiwa chimbynta wa da heh rta dooh, kitæ toh u Pius Ksoo uwa 52 snem wa ka Merry War wa 59 snem i rta.

Ya ka sngi da pynphooh da ki chaad na ki seiñ khynroo ka Namdong-B, i leh drama na ka Seiñmanbei ka Mooshachram wei da pynkut da ki kyntien khublei na ka Secretary ka VDP ka Phailinda Thubru.