Yoh ka West Jaiñtia Hills ya ka Climbing Wall wa nyngkong dooh

U MLA ka Jowai, u Wailadmiki Shylla ynne ka sngi hadien wa dep wai u ya ka Climbing Wall wa nyngkong hapoh ka West Jaiñtia Hills District, kawa em ha chrooh ka Kiang Nangbah Indoor Stadium, Jowai, da yahkhmat haroh u wow chimbynta nyngkong dooh deiwa ku ya kani ka kynroh, neitæ bood sa u John Kharshiïng, President ka Meghalaya State Olympic Association wa kiwi kiwi.

Kani ka Climbing Wall toh kawa da wanrah deiwa ya krehlang ka Meghalaya State Olympic Association waka Meghalaya Sports Climbing and Mountaineering Association.

Ha kani ka sngi wai da emlang leh kiwa yahkhmat ka West Jaiñtia District Sports Association wa kynthup u President, u EMH Passah, u Vice President, u Patrick Lamare wa kiwi.

Neiliang u MLA yooluti u wa kani ka Climbing Wall u yarap bha ko ya kiwa em sap, kiwa ka-it ha kani ka jait yalehke, neibhah iyi wada chna lyngba i wan ka Meghalaya Games ha Jowai i myntoi u neh ko wot hadien wa kut ka Meghalaya Games.