Pynbaad ka HNYF wa duna i kreh ya ka Scheme JJM ha Nangbah

Ka Hynniewtrep National Youth Front-Jaiñtia Zone (HNYF-JZ) da ong ko wa da paan RTI ko na ka yung krehkaam ka PHE Electrical Division, Jowai heiyatoh wa i kreh ya ka Scheme JJM ha chnong Nangbah, West Jaiñtia Hills.

Hadien wa yoh ya ka jubab heiyatoh wa ka JJM Grater Water Supply Scheme Nangbah, da kyrpaad ya ka chnat PHE Electrical Division Jowai wow pynman ya i sylli namo Inspection yong ini i kreh.

ADVERTISEMENT

Ka seiñ da ong ko wa da pynman ya ka Inspection hei emlang ki bru na ka chnat, ka VWSC wa u Contractor chirup waka seiñ heiwa da chem wa em chiboon i duna ha i kreh lada pait wa toh u kreh katkam ka DPR/Estimate.

Chooh chooh ks seiñ da pynbaad ko wa u SDO, u R. Challam da yachah u ya u Contractor, u Friday Hinge u wym em kreh dei miat ya ka Project. 

Kamtæ ka seiñ da lai yachem noh ko wa u E.E ka PHE, Electrical Division, Jowai, u P. Synnah, wei da ong ko wa u E.E. heithaw wow kubur u wa em i tlot hei kreh da kylleiñ pathan u na ka mat wa toh u yaklam.

Related posts

Kamwa man ka Wah Myntdu kwah u Dr. Nonglait u chakri ya ki paidbah

October 22, 2026

Chah kem uwa klam beiñ wei leh khlem akor ya uwa na Tripura ha Delhi

October 22, 2026

Hajrong ini, ka seiñ da ong ko wa i kreh JJM ha ka jylla toh i wow pynmyntoi ya ki paidbah ymtoh wow e kreh donhi ya ki mahajon wa ki kattu katni wa em hei bor.

Ka seiñ da maham ko leh wow e da ka mukotduma neibynta i myntoi ki paidbah. 

Kani toh katkam ka Wyrta wa phah da u Dawan Symblai, u General Secretary ka HNYF Jaiñtia Zone.