U booh dei por yow pyndep ya ki Land Holding wa Pata, ong u D.S. War u kyrtong na Mynsngat Khanduli Constituency

U kyrtong ka UDP na 10-Mynsngat Khanduli Constituency, u Damian S. War ynne da wan u wow thap pyrtuid yow yaleh Election MDC cha ka JHADC.

Hawa yaklam wa kiwa thoh khubor, da ong u wa da biang i pynkhreh chwa nadooh ki kaam yong oo kiwa nachwa kiwa pait yei kaam yap kam im ki paidbah ka Bri U Ynñiawtrep wei dadep leh wow yachem ya pyllu wa ki waheh wasian chwa wow chim ya ini i rai.

Da sñiawskem u leh yei jop neibhah wa oo ymtoh uwa mih syndet donhi tangwa da man u kam u President ka FKJGP wei kam u Waheh Chnong ka Namdong la ar sien wei da em itæ i yatoh wa ki paidbah wei i yaleh ymtoh wow jop ya oo samen tangwa iwa kwah ki paidbah waroh kawi neibhah da yoo chwa ki yei kaam wa da jooh bah jooh kit u.

Kawi na ka thong wa yakhun Election u toh wa chimpor wow leh ya ka Land Holding waka Pata hadooh 3-4 snem wei i dor ka Land Holding toh Rs. 1600 tangwa da hap ki bru wow pynlut da ki boon hajar neidaw wa hap ki wow lai boonsien.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Kamtæ lada jop u daw booh noh dei por yow pyndep yeini i kaam.

Heiyatoh won wa u pood u ang da ong u kam ha Khanduli-Lapangap toh kiwa chah lehbeiñ nei kyntoor pood ka Assam khamtam kiwa rep wa riang wei lada poi u ha ka thong daw chimkhia u wow pynbait ya u pood u ang deiwa pynbor ya ka sorkar jylla wot ya ka sorkar pyrdi.