U Richard Singh Lyngdoh uwa man kam u kyrtong ka Congress na 9-Mynso Nongjngi Constituency, ynne ka sngi da wan u wow thap pyrtuid yow yaleh Election MDC ka JHADC.
Hawa yaklam wa kiwa thoh khubor da ong u wa da sñiaw skem u wow jop hanla yaleh u na ka Constituency wa thymme kawa man leh kam ka chnong ka bei u wei nachwa da jop u na ki Constituency wa man kam ka chnong u pa u la soo sien.
U Richard toh uwa da man kam u MDC la soo sien khlem rem itæ na ka 24-Sutnga Narwan Constituency ha u 2004, na ka 26-Sumer Constituency ha u 2009 wa na ka 25-Sutnga Nongkhlieh Constituency ha u 2014 wa ha u 2019 wei kini waroh le tylli ki Constituency em ki hapoh ka East Jaiñtia Hills District wei kattu won u yakhun na ka 9-Mynso Nongjngi Constituency kawa em hapoh ka West Jaiñtia Hills District.
Da ong u leh wa ka chnong Kyndong Tuber toh ka chnong wa kha ya oo, ka chnong bei u wei ki leh da kwah ki wow wan yaleh Election u yow wanrah yei kylla wei bha i miat ha ka Constituency waroh kawi.
Discussion about this post