Soo tylli ki kari wa chah lymbub ha ka Bus wa tooid chadien

Ka Bus wa kit ya kiwa lai yaseiñ cha Jowai manda poi ko ha Iawmusiang hakhmat ka yung krehkaam u DC, Jowai da tooid ko chadien wei da lymbub ko ya soo tylli ki kari khian wa em chadien yong ka.

Kani ka Bus manda poi ko ha ini i thaw da sih ko wei da hiar nyngkong u Handyman yow pait yei daw wa sih wei hadien won da hiar sa uwa yah heiwa ha ini i por kani ka Bus da tooid ko syndet syndet chadien.

Ha ini i por wa jia ini, da em boon ki paidbah wa wan yow synraan lang ya ki kyrtong yong ki kiwa lai thap pyrtuid ha DC Office kiwa da wan toor cha ini i thaw wa jia.

Hanla em soo tylli ki kari kiwa da nioñ nei chah lymbub ha kani ka Bus, tangwa ym em won wa mynsoo.