Nadooh u 2021 kut i yarap ka sorkar pyrdi neibynta ki thaaiñ khappood

U Montri ka sorkar jylla uwa pait ya ka chnat Border Area Development, u Rakkam A Sangma da khana u wa ka sorkar jylla da thoh ko cha ka sorkar pyrdi yow kyrpaad neibynta wow pteiñ biang ya ka Border Area Development Programme (BADP) hapoh ka jylla.

Hawa klam wa kiwa thoh khubor, u Rakkam da ong u wa ka Border Area Development Programme toh kawa krehkaam da boon boon snem, tangwa nadooh u snem 2021 ya kani ka BADP da pynsangeh noh da ka sorkar India.

“I da e i dei thoh cha ka sorkar India yow kyrpaad neibynta u pyrkhat biang yei rai wei wow pteiñ biang ya kani ka BADP”, da ong u.

Katkam wa ong u Rakkam, kani ka BADP toh kawa da yarap sakhiat yow pynku ya ki kaam pynroi hapoh ki thaw khappood la hei wow chna ki yung skur, ki Hospital, ki sarok wa ki yingkieñ.

Related posts

Chah kem nadooh ka YouTuber hadooh u heh spah kiwa yarap ya ka Pakistan

May 24, 2025

Sdang i e sikai ya ki MCS wa thymme ka Meghalaya

May 24, 2025

Da ong u wa kattæ ka Inter-State Programme wow chna ya ki sarok, ki yung dorbar chnong, ki yung skur wa kiwi kiwi dang pteiñ ki.

Hawa kylli hajrong i chah pynsangeh noh ka BADP, u Rakkam da ong u wa ym tip u yei daw wa da pynsangeh noh ya ka.

“Kani toh ka yong ka sorkar India kawa pynlut 90% na ka sorkar pyrdi wa 10% na ka sorkar jylla. Nga ym tip O yei daw wa da pynsangeh wei ye u man na ki daw waphær waphær. I dadep thoh biang i cha ka sorkar India heiwa da kyrpaad wow sdang biang ya kani ka BADP”, da ong u.

Hawa yatoh wa ka bai baam kyrpang cha kiwa lai puræ wa wan na ki chnong ha khappood, u Rakkam da khana u wa ka bai baam neibynta yong ki dang pteiñ hi kamwa jooh man.