Nga u Treiborlang R Suchen, u kyrtong samen namo Independent Candidate wa yaleh MDC na ka 3-War West Constituency, pynsñiaw O yei sñiawngooh cha waroh kiwa kyrchaan wa maya oo kiwa da emlang wa nga nadooh ki por wa nga dang sdang O wow lai luti cha ka Election MDC hadooh wa da kut.
Nga e ngooh O ya u Blai uwa da kær wei yada ya nga ha kini ki bnai wa dadep katwa nga dang lai luti heipor Election, wei nga dap O dei kmen wa phi ki paralok wa kyrchaan phi wei da e phi yei chaniah wei i maya ya nga wei nga da jan poi sakhiat cha ka thong, tangwa wot lada ym poi O cha ka thong leh nga kyrmen O wow nang skem ki yurim yong i kam ka kynhun wei nga kyrpaad O ya phi ki paidbah wa maya yong nga wow nang ya kyrchaan phi ya nga.
Kani ka Election ya nga ymtoh de kam u kyrtong samen tangwa dei e bor met wa mynsien yong phi ki paidbah wa kyrchaan ya nga da yoh bor bha hadooh wa i ye i wow poi cha ka thong wow yaleh.
Nga kitbok kitrwiang O ya phi ki paidbah wa kyrchaan wa kamjooh kiwa khlem kyrchaan leh yong ka 3-War West wow yoh phi yei doh i pran wa chait wa khiah, ka roi ka paar kawa biang wei ka kamai kajih kawa bha ya phi lang waroh.
Discussion about this post