U Montri Rangbah ka jylla, u Conrad K Sangma hapoh ka yung dorbar chna aiñ ynne ka sngi hawa e yei jubab heiyatoh wa ka Springshed Development Programme, da pyntip u wa da ye wow yada wei pynim biang ya 1601 tylli ki tyllong um ha kini ki 5 snem hei lut wa Rs. 46.62 klur.
Da pyntip u leh wa ya kani da pynkrehkaam lyngba ka MGNREGA wa leh da ki VEC hapoh ka chnat C&RD.
Hapoh kani da leh leh yei thung symbe dieñ, ki chyieñ dieñ, i tih nala, ki nan, i pynim biang ya ki jhoor wa da em chwa, i chna Check Dam wa kiwi de kiwa boon.
Da khana u leh wa hapoh kani ka Springshed Development Programme da chem palat 70,000 tylli ki tyllong um heiwa na kini da em 55,000 tylli da dep booh ha ki Map deiwa pynemkaam Satellite, LiDAR wa ki Drone wei kini kiwa boon toh kiwa em cha ki thaw wa em cha kdong cha chmiang.
Wei na kini da em kiwa pynemkaam neibynta u taan umkor neibynta ka JJM wei da em leh 792 tylli won kiwa da sdang sngad heiwa ka Soil & Conservation Project da sdang ko ya kawi ka Scheme kawa Rs. 32 klur neibynta ki 67 tylli ki tyllong um kiwa da em bha hei maa.
Da ong u wa ki paidbah ye ki wow lai ha ka website https://meghalayacmdashboard.in/ yow pait yeini.
Chooh chooh da ong u yow pait u sumaar ya kini ki tyllong um da e kti ha kiwa chong chnong wei ka poisa yow leh yeini waroh da wan ko na ka sorkar pyrdi.
Discussion about this post