Ka MLA ka Sutnga Saipung, ka Santa Mary Shylla hawa chimbynta hei yatai hajrong ka mang tyngka ynne, da e khublei ko ya ka sorkar ya ki kaam pynroi wa da wanrah hapoh ka Constituency ko nadooh i chna pynmiat ya u sarok NH-6 (Jowai-Malidor) wa kiwi de kiwa dang dep yoh poisa neibynta 14.5 Km u sarok na Borghat hadooh ka wah Prang, i chna ya u sarok Sonapur-Borghat uwa jrong 39.5 Km, u sarok PMGSY ha thaaiñ Sumer wa u sarok RDIF ha Jalaphet.
Da ong ko nachwa ym jooh yoh kam kini ki kaam pynroi hapoh ka Constituency.
Heiyatoh wa ka khayi pateiñ da ong ko wa da yoh ya ka Bordet Haat ha chnong Huroi tangwa ym pu em wai ka hadooh kattæ leh.
Da e khublei ko leh yei booh bhah ka poisa yow pynchna ya ki LP School ka sorkar wa em ha Myntriang, Khaddum, Tongseng, Dona Skur wa kiwi kiwi de najrong wa da mynjur leh wow wanrah ya ka East Jaiñtia Model College neibynta kiwa lai puræ ya ka kyrdan Degree deiwa ong wow booh ya kani hapoh ka Constituency ko neibhah da em i thaw neibynta ini.
Chooh chooh da e khublei ko leh yei chna ya ki Sub-Centre ha Moolait, Ryngkoh, Umkyrpong, Jalaphet, Bri Sumer, Sakhain, Lelad, Huroi wa kiwi kiwi de iwa da yarap bha yei kaam wa yatoh wa i chait i khiah kamjooh i wanrah ya ka Critical Care Block ha Khliehriat Civil Hospital.
Da ong ko wa ki kaam wa dang duna toh yei emkaam u pynchna ya ki sarok wa da sih bha kam u sarok Sutnga-Saipung-Khahnar uwa jrong 66 Km, u sarok Lama-Borghat uwa jrong 10.21 Km, u sarok Sutnga-Khaddum uwa jrong 20 Km deiwa yooluti wa ka sorkar ym pynslem ko wow leh yeini.
Da kyntu leh na ka sorkar wow pynku kyrdan ya ka Samasi Sub-Centre cha ka PHC wa pura wei wow pyntikna wa krehkaam pura ka Lumshnong C&RD Block.
Discussion about this post