Hadien ar bnai tam i chong patok kiwa yahkhmat ka Khasi Students’ Union (KSU), kitæ u President, u Raymond Kharjana wa u General Secretary, u Reuben Najiar da yoh jamin noh ki na ka yung bichaar i ynne i janmiet.
Kini kiwa yahkhmat ka KSU da chah kem ki ha ka 19 tarik u Naisaphra deilang kiwi won hajrong i mih ka huri hura ha ka Bike Rally kawa pynman da ka KSU hajrong ki 5 tylli ki mat wa ka seiñ da dawa ko na ka sorkar kiwa ktah ya ka jylla.
Heipor wa yoh u mih napoh ka District Jail Shillong, da wan wow pdiang ya ki da kiwa yahkhmat warim ka KSU wa kiwa yahkhmat kiwa katni deilang wa kiwa ha-yung ha-sem yong ki kiwa da yang ha lait ka patok.
Najrong kini kiwa da yoh jamin ynne, u Vice President, u Pynkmenlang Sanmiet dang em u hei yoh jamin wa chipor (Interim bail) neidaw wa emkaam u wow lai phah sumaar hadien wa yoh chitom u hapoh patok.
Discussion about this post