Ki ar seiñ wa kynthup ya ka Khasi Jaiñtia Youth Student’s Union (KJYSU) waka Jaiñtia National Union (JNU) da iwi i sur da chim ki ka rai wow pyrchah ya ka luti rel lada man katwa man leh.
I pyrchah man ko ya ka sorkar wa ya kitu kiwa thmu wow lilam ya ka khyndaw u chyiap yong i deiwa wanrah ya ka luti rel chapoh Ri-loom Jaiñtia yong i khlem da pyrkhat yei eh kiwa chong chnong heithaw wow chna pynmiat ya ki sarok, ki Hospital, ki skur, ki College wa kiwi de ki myntoi kiwa ye u pynhun ya ka mynried yong i.
“Yoosar kani ka sorkar wym yoh por ko u thooh laad kamon u yoh myntoi ka jaitbru yong i, tangwa da yooh roit ko yei hok yong i kamwa man kattæ.”
“Ka jaitbru yong i toh kawa khiañ paaid lada ya nujor wa kiwi ki jaitbru wa em hapoh ri India,” kamtæ neiliang yong ki ar seiñ da kyrpaad ki ya ñiaw ngut kiwa mihkhmat wow yada ki ya ka ka Ri Jaiñtia yong i, wym toh u dai lilam ki ka, neibhah kamwa man kattæ da sdang ki bru wa na baar u knieh ya ka pliang ja yong i.
Neiliang ki ar seiñ da ong ki wa lada man katwa man, lada jia katwa jia u yieñ pyrchah bait i, u e i i yada wa kyrpang yow suk ka pateiñ yong i, kamtæ da kyrpaad leh ya ka sorkar wym toh u wanrah ya ka luti rel neibhah emkaam i ya ka ILP.
Hajrong ini da khutlang ya waroh kiwa chong chnong ka Ri-loom Jaiñtia wow pyrchah wym hoi u e laad ya ka luti rel, pynkut ka kyrwoh na u President ka KJYSU, u Chemi Phawa.
Discussion about this post