Ka North East Adventist University Church, Khliehtyrchi da lehkmen ko ya ka Global Youth Day kamwa jooh leh man-u-snem deiwa pynman leh ya ka lai pynkhooid chnong.
Ha uni u snem da wan wow embynta da ka District Legal Service Authority, West Jaiñtia Hills deilang ka Meghalaya State pollution Control Board kiwa da pynman leh ya ka Workshop hajrong ka phang “Various Provisions of Environmental Laws and Helpful Impact of Pollution and Environment Degradation”.
Da pyntip leh wa hawa pynman yei pynkhooid ya ki thaw wa em chajan kani ka skurbah, neiliang ki kattu katni ki bei ki pa da phah ki leh ya ki khon yong ki wow yarap u pynlang yei jhep heiwa kiwa chong dukan da e yarap ki da ki churia yow pynlang yei jhep.
Heiyatoh i klam chaphang ki kaam wa yatoh wa ka bei rymaw, da yoh na u W. R. Kharkrang, Senior Environmental Engineer MSPCB.
U F.B. Passah, Assistant Legal Aid Defence Counsel da batai u chaphang ki aiñ yada rymaw kam ka Environmental Protection Act 1986.
Da ong u hadien wa jia ha Bhopal ha u snem 1984, da mih i dawa wow em ki aiñ wa khor kamtæ da chna ya ka Environmental Protection Act 1986.
Ha kani ka sngi da emlang leh u Dr. P. Bhaggian, Vice Chancellor NEAU, Pr. P Shanpliang, u P. Khyriam, Lecturer AHSS, u K. Rymbai, waheh chnong ka Khliehtychi, ka F. Sari, Para Legal Volunteer wa kiwi de.
Discussion about this post