Thung ka HNLC da u muktiar wow yasaaid yeiwa pynbna ya ka kaam ka seiñ wa man pyrchah aiñ

Ka HNLC hei sien wa nyngkong da rai ko wow yaleh pyrchah yei chah khang (Banned) ko ha ka Home Ministry ka sorkar India hapoh ka Unlawful Activities (Prevention) Tribunal.

Neiliang ka HNLC da thung ko da u Fernando Shangpliang kam u muktiar wow mihkhmat ya ka heiyatoh wa ini iwa da pynbna pyrchah ya ka kam ka seiñ wa pyrchah aiñ.

U Fernando da pyntip u wa ya oo da thung da u Chairman ka HNLC, u Bobby Marwein wa u General Secretary, u Sainkupar Nongtraw.

Da pyntip u leh wa daw mihkhmat u ya ka seiñ ha ka Tribunal kawa daw chong ap chong bichaar yeini ha ka State Convention Centre ha ka 22 tarik uni u bnai.

Related posts

Sangeh yakhih ka MCTODA | Da e por ya ki karkhana Coke 10 sngi

May 9, 2025

Siat ka Pakistan ya ka skur wa pynlai da ki Nun hadooh wa yap ar ngut ki khynnah

May 9, 2025

Neiliang won uwa mihkhmat ya ka HNLC, u Sadon K. Blah da ong u wa ka seiñ u yieñ yaleh pyrchah ko yeini deiwa lai luti katkam ka aiñ.

Da ong u wa ka seiñ lyngba u muktiar ko daw yasaaid u ya iwon iwon iwa da chah pynbaad ko neibhah da chem wa em boon bha iwa lait iwa da chah pynbaad khamtam iwa da khana da kitu kiwa chah kem ki dkhot ka HNLC.

Da ban joor u wa ka sorkar toh u sñiawthooh ko wa ka HNLC chimkhia ko yei klam yasuk. Wei kani ka Tribunal toh u yaleh ko yow pynpoi biang cha ka luti wow yasuk.

Da pynche u leh wa ka HNLC da leh ko yeini toh hadien wa ka sorkar jylla waka sorkar pyrdi ym bien ki wow pyrkhat yeiwa da dawa ka seiñ wow pyndam noh yeini i chah khang ka seiñ heiwa i yaklam ym em poi i cheiwon cheiwon kamtæ da thooh laad noh da ka luti ka aiñ.

Kam wow kdaw heini wa ka Tribunal hei chong bichaar ko ha ka 18-02-25, neiliang ka sorkar jylla da wanrah ko ki kot ki sla yow pteiñ wow tipmit ya ka HNLC kam ka seiñ pyrcha aiñ (Unlawful Organisation).

Da pynyoo leh ya ki kaam pyrchah aiñ kiwa 48 tylli nadooh wow tympdung Bomb nadooh u snem 2019 hadooh u 2024. Ha ini i jooh i por da em 3 ngut ki dkhot wa da wan pyndem wei da chah kem 73 ngut.

Kani ka Tribunal toh kawa yahkhmat da u Justice Soumitra Saikia na ka Gauhati High Court wei da pynkit ha ka wow pait lada em ki mukotduma pyrcha ya ka HNLC næ ki chnat ko kiwa man kam ki seiñ wa pyrchah aiñ.

Ka sorkar pyrdi da pynbna ko ya ka HNLC kam ka “Banned Organization” neibynta 5 snem ha u November 2024, deiwa e daw ya ki kaam mynsoo mynsnaam wa da leh ko iwa man pyrchah yei yatylli wei skem ka ri najrong wa kwah haroh ki wow mih noh napoh ka ri khatam ki thaw ka Khasi wa Jaiñtia Hills.