Ka yung krehkaam u Deputy Commissioner deilang ka District Disaster Management Authority (DDMA), West Jaiñtia Hills District deiwa ya krehlang wa kiwa boon ki chnat sorkar, ynne da chimbynta lang ki ha ka State Level Mock Drill Exercise.
Ya kani ka Mock Drill Exercise ha West Jaiñtia Hills District da pynman ha Jowai, ha Amlarem Civil Sub-Division wa ha Thadlaskein Block wa Laskein Block.
Ya kani ka Mock Drill da pynman deiwa pyndur wa khih u khmi wa khlanbor 8.7 ha ka Richter Scale ha kiwa boon ki thaw.
Ha Jowai da pyndur wa iñ ha Dowel Fuels Ladthadlaboh, wa oor khyndaw ha Riatsasim Bypass Road, wa oor chibynta ka Ladthadlaboh Secondary School wa i lai e yarap jhan ha 1 India Family Mart wa em ha Loomsoiung deilang ha Dr. Norman Tunnel Hospital wa em ha Moosalyngat.
Kiwi de ki thaw wa da pynemkaam toh ka madan ka Kiang Nangbah Government College.
Neiliang ki bru wa toh i kaamram yong ki wow wan e yarap nyngkong namo ki First Responders deilang kiwa pynlait ya ki bru wa chitom wa mynsoo kamjooh kiwa e dawai da pynyoo ki kammon wa toh u leh yeini waroh deiwa pyntikna wa chngaaiñ ki paidbah.
Discussion about this post