U Kmenlang Shylla uwa man kam u waheh chnong warim ka Wahiajer, heijooh i por uwa man leh u President ka Thadlaskein Sports Association (TSA), da e yarap u cha ka Wahiajer Sports Club da ki riam yalehbol namo ki Jersey kam chibynta i pynkhreh ka Club u mih madan ha ka Super Division ka TSA kawa daw sdang nadooh ka 19 tarik uni u bnai.
Ha ini i pynlait paidbah ya kini ki Jersey da emlang u waheh chnong ka Wahiajer, u Sanwotki Laloo, kiwa kitkaam ka Wahiajer Sports Club kamjooh kiwa yalehke wei neiliang ka chnong kamjooh u Kmenlang Shylla da kyntu ki ya kiwa yalehke waroh u man ki kiwa em akor em burom khnang u yoh u wanrah burom ya ka chnong hi waroh kawi.
Neiliang ka Wahiajer Sports Club da e khublei kyrpang ko ya u Kmenlang Shylla uwa neipor cheipor ym jooh em ieh u ya ka Club, da jooh emktilang u kammon u kyntu kynrong ya ki khon khynroo yong ka chnong waroh kawi.
Ya ka yalang wa tbian chwa wow e kti ya ki Jersy da pynlai da u President ka Wahiajer Sports Club, u Apbha Shylla.
Discussion about this post