Ka MDC ka Narpuh ka Deivipaya T. Tongper ynne ka sngi wa ar ka Dorbar Mang Tangka ka JHADC da kylli ko wa lada ka Executive Committee da e NOC ko ya kawon kawon ka Company/Consultancy wow lai leh Survey neibynta wow wanrah luti rel hapoh Jaiñtia Hills.
Neiliang u CEM, u Thombor Shiwat da jubab u wym em e NOC, kamtæ ka MDC ka Narpuh da kylli won ko yei mih khubor wa ksoh ki seiñbhalang ya kiwa wan leh Survey heiwa u CEM da jubab u wa ka Council ym tip ko lada em kiwa wan leh Survey wei lada em kiwa leh leh chong hei kwah yong ki.
Hawa kylli chooh chooh wa lada ka JHADC daw e NOC lada em kiwa wan paan bor, u CEM da ong u wa daw chong pyrkhat manda poi ha itæ i por.
Hawa kylli won lada la Council em ko i thmu wow khanglaad yei wanrah luti rel, u CEM da ong u wym pu ye u ong iwon iwon hajrong ini.
Discussion about this post