Ka Jaiñtia Students Movement (JSM) Central Executive Committee da pynsñiaw ko yei sñiawngooh ya ka sorkar Meghalaya wa da booh ko ya ka Exam Centre ha Jowai neibynta kitu kiwa yaleh kreh ka Meghalaya Public Service Commission (MPSC).
Ka seiñ da ong ko wa ka MPSC hawa pynbna ya ka Written Exam da kdaw ko wa em ki thaw thoh Exam ha Shillong, Tura, Jowai, Nongstoin wa Williamnagar iwa da pynmih ynne ka sngi.
Ka JSM da ong ko wa da e dorkhat ko ha u symbood montri rangbah ha ka 14-09-23 wow dawa booh Exam Centre ka MPSC ha Jowai.
Ha ka dorkhat ka seiñ da ong ko wa ki khynroo khyllood ka Jaiñtia Hills da chem chitom ki wow lai yaleh Exam ka MPSC chadooh cha Shillong neidaw wa jngai.
Kamtæ da ong wa najrong ka Exam Centre wa em ha Shillong wa Tura da emkaam leh wow booh ha kiwi ki thaw kam ha Jaiñtia Hills kamjooh cha kiwi ki thaw ha Garo Hills.
Discussion about this post