Hapoh 30 tarik toh u pyndep kiwa yoh myntoi na ka NFSA ya ka e-KYC hapoh EJH

Ka yung krehkaam u Deputy Commissioner (Supply), East Jaiñtia Hills District da kyntu u ya waroh ki dukan rachon namo ki Fair Price Shop Dealer (FPS) hapoh ka District wow pyndep ya ka e-KYC yong kiwa yoh myntoi na ka NFSA hapoh ka 30 tarik uni u bnai.

Ini toh katkam wa phah u Director, Food Supplies and Consumer Affairs ka jylla Meghalaya deiwa bood ya ki hukum ka sorkar pyrdi heiwa da ong wa waroh kiwa yoh myntoi na ka NFSA u pyndep ki ya ka e-KYC.

Kamtæ da phah ya ki dukan rachon wow pyndep noh ya ka e-KYC yong kiwa yoh myntoi na ka NFSA hapoh ka 30 tarik uni u bnai.