Ha iwi i jia yatyrrah kari ha Shillong da jia i ha i miet ka 17 tarik heipor 10:30 hajan Bawri Mansion, heiwa kawi ka kari da tyrrah ko ya ar tylli ki scooty wei da yut wot ko na ini i thaw.
Kani ka kari toh ka EcoSport (Ford) wa em Number ML 05 P 2414 kawa lai na Dhankheti chaliang Malki wei mar poi hajan ka Woodland Hospital, katai ka kari da tyrrah ko ya ki ar tylli ki scooty.
Mar dep tyrrah kani ka kari EcoSport heithaw wow sangeh da yut wot ko na ini i thaw iwa da pynman ya ki paidbah wow kbai wei wow kdong ya ka ka wei mar poi ha Barik da dong ko cha Phan Nonglait (Lady Hydari) Park heiwa uwa yah da ieh u ya ka kari wei da yut u neini i thaw.
Kini ki ar scooty toh kiwa em Number ML 05 V 5339 wa yah da u Lamjingshai Kupar Nongbet na Mawlai Mawroh wa kawi won ka ML 05 R 8515 wa yah da u Asif Wahlang na Laban.
Neiliang ki pulit da ong ki wa u Lamjingshai da mynsoo u wei da kit ya oo cha Woodland Hospital.
Katkam wa man kattæ uwa yah ya ka EcoSport dang yut u na kti ki pulit.
Discussion about this post