Pynlait u khynroo ya u khynnah wa chah riñ bordiñ

I mynsien wa chlur ki bru da rap ñiaar bha u yoo i ki katni, tangwa ha kani ka kynti uwi u khynroo na Chennai, Tamil Nadu da pynyoo u yeini deiwa hiar na ka thukthuk wow pynlait-im ya u khynnah skur wa chah riñ bordiñ ha u sarok wa dap um.

Ya ini iwa i pynlait-im da yoh leh u riñ video da ka CCTV.

Ha i video da yoo ya uni u khynnah skur wa pat u ha sarok wa dap um hadien wa chah riñ bordiñ u, wei heitæ u Kannan Tamizhselvan uwa 24 snem dang lai luti u ha ka thukthuk na ini i thaw.

Khlem artatien, da sangeh u wei da hiar u Kannan wow rah ya uni u khynnah na u sarok wa dap um charood. Uni u khynnah toh uwa chong Class 3 wei da jia i heipor wa liwan u cha yung wei hadien da kit ya oo cha thaw sumaar.

Related posts

Pynbna u Trump da ka dan wa 25% pyrchah ya kiwa khayi wa ka Iran

January 13, 2026

Baam lut i diñ ya ka karkhana chna tusok ha Byrnihat

January 13, 2026