Ka Young Lad’s CC da jop ko ya ka Evergreen Mukhla Mission da 49 Run ha ka yalehke ynne yong ka District Cricket League 2025 wa pynlai da ka West Jaiñtia Hills District Cricket Association.
Ya ka kylla khlem da jop da ka Young Lad’s CC wei da jied ko wow Bat nyngkong wei da kamai ko 197/10 na ki 30 Over deiwa lehbha u Heiyomiki Ryngkhlem uwa da yoh 46 Run na ki 39 bol deilang wa kawi ka 6 Run wa wa 5 tylli ki 4 Run. U Eshan Siangshai won da kamai u 29 Run na ki 46 bol deilang wa 4 tylli ki 4 Run. Na kiwa kawang bol ka Evergreen, u Kamkini Sari da yoh u pynhaap 4 Wicket na ki 7 Over.
Ka Evergreen Mukhla Mission hawa kdong ya ka thong de ye ko wow kamai 148 Run deiwa haap lut waroh ki Wicket ha ka Over wa 29.5 deiwa kamai boon u Enshelter Suna uwa da yoh 40 Run na ki 47 bol deilang wa ar tylli ki 6 Run wa soo tylli ki 4 Run. Na kiwa kawang bol ka Young Lad’s, u Maremdor Sutnga wa u Namewanki Pakyntein da yoh ki wow pynhaap mar 3 Wicket samen na ki 7 Over.
U Maremdor Sutnga yong ka Young Lad’s deiwa lehbha da ka bol, da yoh u yei naam Man of the Match.
Ka yalehke wa bood u pynman ha ka 28 tarik hapyrdi ka Phramer SC pyrchah ya ka Ummulong SC heipor 9:00 waje i step.
Ya ka Digital Live Score yong kani ka League ye phi u pait ha https://cricheroes.com/tournament/1406553/wjhdca-district-cricket-league-2025.
Discussion about this post