U Captain warim ka Pakistan Cricket Team, u Shahid Afridi da kdaw u ya ki pariam kti u cha ki chipai ka Indian Army deiwa ong toh neidaw wa tlot ki tæ jia iwa jia ha Pahalgam heiwa da dooh yei mynsien ki 26 ngut ki bru paidbah.
Hawa klam wa kawi ka laad pathai khubor wa tip kam ka Samaa TV, u Afridi da ong u wa lada pdung dei bomkala leh daw chah pynbaad cha ka Pakistan. Deiwa kam leh wa em 8 lak ngut ki chipai India ha Kashmir tangwa kattæ leh dang jia ini iwa pynyoo wa tlot wei wym hoi ki wow e yada ya ki paidbah.
Da beiñ u leh ya ki laad pathai khubor wa em ha India yei rukom pynmih khubor ki deiwa pynchit ya ki bru deiwa pynman yeini wa jia kam ka phlim Bollywood deiwa pynrap wa da kam ki ya idæ kam ki bru wa da stat da che.
Da khyrwait u leh ya kiwa yaleh Cricket ka India khlem da pynmih yei pyrtuid ki kiwa da smat wow pynbaad ya ka Pakistan deiwa ong wa em ar ngut kiwa yaleh Cricket da slem bha ya ka India tangwa kini da ong bait ki wa ka Pakistan wa leh yeiwa jia ha Pahalgam khlem da em kawon kawon ka sabut.
“Pynoo ya ka sabut,” da ong u Afridi.
Discussion about this post