Ka sorkar jylla ynne da chong yalang ko wow pyrkhat heiyatoh wa i kyrriah ya ki kharmator na Harijan Colony, tangwa ka yalang da kut ko khlem mih iwon iwon i rai wa paka.
U Symbood Montri Rangbah ka jylla, u Prestone Tynsong uwa man leh u Montri ka chnat Home (Police), hadien wa kut ka yalang da ong u wa ka yalang da kut ko khlem mih iwon iwon i rai wa paka wei ym ye wow ong iyi iyi.
Hawa kylli ya ki thaw chipai wa da thmu wow kyrriah ya kini ki bru, u Prestone da ong u wa da yaklam hajrong ini wei dang yang yei jubab na ka sorkar India lyngba ka Defence Ministry heiwa da phah leh ya ka chithi cha ki wei dang yang yei jubab donhi.
Da pyntip u leh wa katkam wa man katni u Commissioner & Secretary ka Urban Affairs, u Dr. Vijay Kumar dang yaklam u wa ka Ministry of Defence wei yooluti wow yoh jubab noh smat.
Ha ka yalang da emlang ka Director General of Police, u Chief Secretary, u Montri ka Urban Affairs, u Sniawbhalang Dhar wa kiwi ki sahep wa yatoh wa ini i kaam.
Discussion about this post