Ynne i step synyaaw heipor kamwa 1:04 ki chipai ka India da dat Bomb ki ya ki 9 tylli ki thaw wa em ha Pakistan wa ha Pakistan Occupied Jammu and Kashmir.
Ha ini i dat Bomb da em 70 ngut ki Terrorist wa da yap wei da mynsoo kamwa 60 ngut katkam wa ong ka sorkar India.
Ka Indian Army da pynlait ko leh ya ki Video yong ini i dat Bomb heiwa iwi na ki toh ha ktem Abbas Terrorist Camp wa em ha Kotli iwa jngai du 13 Km na u Line of Control.
Ini i ktem toh iwa hikai ya ki Suicide Bomber ka Lashkar-e-Taiba (LeT) heiwa jooh e sikai ya kamwa 50 ngut ki terrorist.
Ini i ktem da chah tympdung i heipor 1:04 ynne i step.
U heh won ka Jaish-e-Mohammed (JeM), u Maulana Massod Azhar da pyntikna u wa 10 ngut kiwa ha-yung ha-sem u wa 4 ngut kiwa yajan bha wa oo da yap ki ha ini i siat ka India ya ka Jamia Masjid Subhan Allah wa em ha Bahawalpur.
Kiwa yap heini kynthup ki nadooh ka payu u deilang u kurim ko, u pyrsa u deilang ka kurim u, ka pyrsa u wa 5 ngut ki khynnah.
U Azhar da maham u leh ya ka India wa daw e dei jubab wa khor.
U Azhar toh uwa da pynbna da ka UN kam u “Global Terrorist”.
Kani ka Jamia Masjid Subhan Allah toh kaw man kam ka Headquarter ka JeM wei man ko leh ka thaw e sikai ya ki Terrorist ha kiwa boon ki kaam yasiat wei ka JeM toh kawa emkti heiwa jia ha Pulwama ha u 2019 heiwa da chah tympdung ki Bus wa kit ya ki chipai ka India.
Discussion about this post