Yoh kem noh ya ki ar ngut kiwa taan ya ka kynthai hawa tooh ya ka muna ko | Chah siat ki ha ki pulit heipor wa yut

Ar ngut ki bru da mynsoo ki na kjat hadien wa chah siat ha ki pulit ynne i step ha Guwahati, heiwa neiliang ki pulit da ong ki wa kini ki ar ngut da chah kem ki hawa pyrchang ki wow yut heiwa da siat noh ya ki na kjat wei ha ini i yaleh da mynsoo leh uwi u pulit.

U Superintendent ka GMCH, u Dr. Devajit Choudhury da ong u wa ya ki ar ngut da lai rah ki cha Hospital heipor 2:52 i step wei katni dang em ki hapyrdi i chah sumaar.

Kini ki ar ngut da emkti ki wow pyrchang tooh ya ka muna ka bru ha Kahilipara, Guwahati ha ka 5 tarik uni u bnai heiwa i Video na ini da poor bha i ha Social Media.

Ki pulit ka Kahilipara Police Station da ong ki wa kini ki ar ngut ym em u yoh ki iwon iwon na kani ka bru kawa da mynsoo nei chah taan hadooh kamwa 100 metre. 

Ya ki ar ngut da dem da ki pulit ka Basistha Police Station heiyatoh wa iwi tawon i kaam tooh wei da tip ya ki kam u Prasanta Boro uwa 20 snem na Udalguri District wa u Rahul Das uwa 25 na Kamrup District.

Related posts

Da wai ya ka Shooting Range wa em ha West Jaiñtia Hills hei lut wa ₹1.25 klur

November 5, 2026

Ka Nursing College wei pynku kyrdan ya ka Laskein kam ka Sub-Division toh kiwa emkaam bha: Conrad

November 5, 2026

Ki ar ngut da phla ki wa emkti ki wow tooh kam na Jalukbari, Kahilipara, Sualkuchi Singimari wa Ulubari.

Puræ leh: 100 metre chah taan ka bru ha kiwa pyrchang wow tooh ya ka muna ha Guwahati