“Lyngba ka Operation Sindoor, ka India em ko i hok wow jubab hawa chah hiar thma ko wei ki chipai ka ri da leh ya ki yei kaam wow sah khana parom neibhah wa da ye u tympdung ya ki thaw sikai Terrorist ha Pakistan wa PoK,” da ong u Montri ki kaam yada ri, u Rajnath Singh ynne ha ka 66th Raising Day ka Border Roads Organisation (BRO) ha Manekshaw Centre, Delhi Cantt.
Da ong u wa da mang wei da sait ya ki thaw wa da thmu khlem ktah ya ki bru paidbah deiwa yaroh ya ki chipai ka ri hapoh i yahkhmat u Prime Minister, u Narendra Modi.
Chooh chooh da ong u wa ka pyrthai da sakhi ko iyi wa da leh ki chipai ka ri heiwa da jubab deiwa pyrkhat bha wow dat ya ki ktem ki Terrorist.
Ynne ha kani ka yalang da wai leh ya ki 50 tylli ki Project ka BRO kiwa kynthup ya ki 30 tylli ki yingkieñ, 17 tylli ki sarok wa kiwi ki le tylli ki Project kiwa kynjoh Rs. 1,879 Klur ha Jammu & Kashmir, Ladakh, Arunachal Pradesh, Himachal Pradesh, Sikkim, Mizoram, West Bengal wa Rajasthan.
Ha kani ka yalang da emlang u Montri ka Parliamentary Affairs wa Minority Affairs, u Kiran Rijiju, u Minister of State (Independent Charge) Science & Technology; Earth Sciences, MoS PMO, PP/DoPT, Atomic Energy and Space, u Dr. Jitendra Singh, u Chief of Army Staff, u General Upendra Dwivedi, u Defence Secretary, u Rajesh Kumar Singh wa kiwi.
Discussion about this post