Ym ye de u pynsangeh yei kreh ya ka Shillong Ropeway: Paul

U Montri ka chnat Tourism, u Paul Lyngdoh da yada u yei wanrah ya ka Shillong Peak Ropeway Project hapyrdi boon kiwa pyrchah deiwa ong wa da yohlut waroh ki Clearance wa emkaam wei ym ye de u dam ka manda dep u poi ha ka bynta wa kattæ.

Da ong u wa i lai da u sarok cha Shillong Peak toh iwa boonkaam bha nadooh wa hap wow pynyoo ki kot ki sla wei da em i dawa wow pynsuk ya kiwa uiñke suwari wei deiwa em ka Ropeway u chimpor du le minit donhi.

Da pynkynmoo u leh wa da yoh bor na ki dorbar chnong heiwa ki kot ki sla da em wa ka sorkar nadooh u snem 2022. Da soi leh ka soskular yow chim wai yei thaw hapyrdi ka Riat Laban Dorbar Pyllun wa ka Tourism Department ha u 2023.

Da yoh leh ki No Objection Certificate (NOC) na ka Airports Authority of India (AAI), ka Indian Air Force wa ka Indian Army. Neitæ i thaw wow thung dieñ leh da e kti cha ka chnat ha u snem 2023.

Da pynche u leh wa da em ka soskular Memorandum of Understanding (MoU) kawa da soi ha u 2023 yow pynskem neibynta 30 snem. Kamtæ da ong u wa kammon wow pyndam ya kani ka Project hawa dadep ya soi ya song lut yeini waroh.

U Paul da kylli u leh wa kammon syndet mih i pyrchah ya kani ka Project dang ini wei da pyrchah leh khlem da batai bniah ya ki daw.

Da ong u wa kani ka Project toh kawa heh bha kawa embynta wot da ka Office u Prime Minister deiwa wan hadooh ka President wei wot ka Air Force deilang ka Indian Army leh ym em yoo ki wa daw ktah ko deiwa em ka Ropeway heiwa ki leh da e bor ki wow chna ka.

Kamtæ da ong u wa lada pynsangeh ka daw ktah ko leh ya kiwi kiwa da kwah wow wan pynlut yow pynkreh ya iwon iwon hapoh Meghalaya.

Da kylli u leh yeiwa pyrchah ka Green Tech kawa ini wa dep da pyrchah ko yei kreh ha Lumpongdeng Island deiwa pyrchah wow chna ya iwon iwon iwa man pura. Tangwa kani ka jooh ka thaw dadep wow e wai ka cha uwi u bru ha u 2008 uwa da chna ya kawi thaw booh lieñ kawa man pura (Permanent Structure) tangwa ym em wa pyrchah ya kani.

Related posts

Da pdiang ya ka Bullet Train tangwa pynwit noh u rdang syiar: Himanta

November 5, 2026

Da booh ya u mooyurim yow chna ya ka 100-Bedded Ummulong Integrated Hospital hei lut wa Rs. 53 klur

November 5, 2026

Kattæ won da pyrchah ki ya iwa pynyieñ chipor donhi neibynta u kreh yow chna ya ka Ropeway.

Da kdaw u leh yei ong kiwa pyrchah wa duna ki bru wa wan cha ki yalang paidbah wa da khut tangwa da ong u wa kini kiwa em ha kini ki yalang kiwa da soi ya ka soskular.

U Paul da kdaw u leh ya 2022 Notification wa pynmih ka Union Ministry of Environment, Forest and Climate Change, kawa ong ka Expert Committee wa ki Ropeway kiwa lai najrong toh kiwa miat ki wym ktah ya ka rymaw.