Ki Contractor hap ki wow pynbiang ya ki kot ki sla yong kiwa mylla wa wanrah na baar, ong u Shakliar

U Montri ka chnat Labour ka jylla, u Shakliar Warjri da ong u wa ka chnat yong oo da leh ko ya ka bynta wa kongsan wa kitu ki Contractor kiwa yoh kreh na ka sorkar toh u pynbiang ki ya ki kot ki sla yong kiwa mylla kiwa wanrah na baar.

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

Hawa klam ynne ka sngi, u Shakliar da ong u wa da phah ya ka chnat Labour wa ya waroh ki Labour Inspector ha waroh ki District wow lai tuklar ki ha man ki thaw wa pynkreh kaam Contract khnang wow pait bniah ya ki kot ki sla yong kitu kiwa wanrah na baar.

Kam wow kdaw heini wa ka Khasi Students’ Union (KSU) South Khasi Hills da yachem ko ya u SDO ka Sohra dang ini wadep hajrong i wym krehkaam ka Labour Office heiwa ka seiñ da kam ko wa tang u Labour Inspector leh ym em wei neiliang ka seiñ da dawa ko wa bha u khang noh ya kani ka Office neibhah iwa khaddooh wa lai kynreh ya kiwa mylla toh iwa da leh ha u snem 2017 wei lait neitæ ym em de i pynyoo kaam da kani ka chnat sorkar.