U SP ka East Jaiñtia Hills District da pyntip u wa ha ka 18 tarik uni u bnai heipor kamwa 7:00 waje i step da em uwa chong hapoh kawi ka Sumo wa lai cha Mizoram da hiar u yow lai mihlait tangwa da chem pathan u dei metyap wa da sma bha iwa da song hapoh kawi ka kymmor harood u sarok NH-06 ha i bynta ka thaaiñ Kuliang.
Kamtæ da pyntip wut-wut cha ki pulit ka Umkiang Police Patrol Post (PPP) kiwa dang pynlai kari ha ini i por.
Ini i thaw wa chem yeini i metyap man i iwa jngai kamwa 8 Km na ka Kuliang PPP heiwa u SI P. Phawa deilang kiwi ki pulit da lai ki cha kani ka thaw yow leh yeiwa emkaam wei da antaad wa uni uwa yap toh uwa em 35-40 snem i rta, uwa jrong 5’5” uwa lieh sniehdoh wei sap u ya ka patlun rong yong, ka T-Shirt rong yirngam wei em u kse rong lieh wa kdoh ha tympong kamwa man i ngait niam Hindu.
Yei metyap da booh ha ka Morgue ka Civil Hospital Khliehriat hadien wa pyndep ya ka Posr-Mortem.
Lada em kiwa tip chaphang uni u bru ye ki wow Phone ha u Number-8131904491.
Discussion about this post