Da chimkhia ka sorkar wow thooh ya ki bru wa psiah tooh chapoh ka ri: Prestone Tynsong

U Deputy Chief Minister, u Prestone Tynsong da ong u wa ka sorkar Meghalaya da kreh bha ko wow thooh ya ki bru wa psiah tooh chapoh India khamtam ki Rohingya wa ki Bangladeshi.

Ka sorkar pyrdi da e por ko 30 sngi wow kreh pyrchah ya kam kitæ ki bru, wow chna ya ka Task Force wei wow sdang u pynuiñ ya ki katkam ki kyndon ka aiñ heiwa u Prestone da ong u wa da phah ya waroh ki District wa ki Deputy Commissioner wow leh yeiwa emkaam wei wow kem ya kam kitæ ki bru khlem pynskem de. 

Heiyatoh wa ki Task Force, da ong u wa da em chwa ki District Task Force hapoh ka Meghalaya Residents Safety and Security Act (MRSSA).

Chooh chooh da ong u wa da phah ya waroh ki District Magistrate wa ki Deputy Commissioner wow chimkhia bha yeini wei lada chem ya kiwa na baar ri wow pynuiñ ya ki deiwa bood ya ki kyndon aiñ.

Related posts

Chah khang ki kor e phniang ki ar tylli ki Petrol Pump wa em ha East Jaiñtia Hills

May 20, 2026

Kyrchaan ka United Joint Action Committee yei pynman Public Hearing ka Shree Cement | Da dawa leh na u DC wow pynbiang ki bor pulit

May 20, 2026