Ktah i khang ka sorkar wow khayi wa ka Bangladesh: Lahkmen

U MLA ka Amlarem, u Lahkmen Rymbui kawa man leh ka Constituency wa em ka Dawki Land Custom Station, da ong u wa i khang ka sorkar India wow khayi ka Bangladesh lyngba ki LCS da ktah ko ya ka khayi pateiñ tangwa ym da phær ware ya ka bynta wa chaneiñ mihsngi ka ri.

Hawa kylli yei chah ktah kiwa pynlai ya ki kaam khayi na Dawki Land Custom Station, u Lahkmen da ong wa da em bait i ktah ya kiwa khayi neibhah ka Dawki LCS ymtoh du ya ki bru ka Meghalaya tangwa ya waroh ka North East kiwa pynlai mar na katai ka thaw. Da pynrap u deiwa ong wa ini man i neibynta i chngaaiñ ka ri.

Related posts

Wa da kot u yaichah ya kiwa yahkhmat ka UDP ki wym kheiñkor ya u MLA, lai bood ki dkhot ka UDP 4-Mowkiaw ya u Nujorki cha ka NPP

October 25, 2026

Takit ki pulit yeiwa em wa leh Black Magic yei dur u Modi hajan ka thaw thang-bru

October 25, 2026

Kam wow pynkynmoo wa ka sorkar India da pynmih hukum ko wym chah de wow khayi ya ki kattu katni ki mar wa wanrah na Bangladesh lyngba ki LCS wa kynthup ya ki sula, ki that, ki baam dih cha, ki Chips, ki jait dih pynngaad, ki chuki ki miej, u kymphaad, ki Pipe Plastic wa ki tiar Plastic.

Ka Directorate General of Foreign Trade (DGFT) ka chnat Commerce and Industry ka sorkar India da pynmih ko yei pynbna wym chah de wow wanrah mar na Bangladesh cha India lyngba ki Land Customs Station (LCSs), Integrated Check Posts (ICPs) wa em ha Assam, Meghalaya, Tripura wa Mizoram deilang ki LCS Changrabandha wa Fulbari wa em ha West Bengal wei ya kini ki mar hap wow wanrah ki lyngba ka duriaw.