Ka Jaiñtia National Council-Khliehriat Circle hadien wa yoh ujor na ki bei ki pa yong ki khynnah skur heiyatoh wa i eh i khoo wa da maad ki khamtam ha i por wa lai booh skur wei lai thooh skur ki ya ki khon ki kti yong ki nei yoh u lai laitlan ki kari kiwa heh heipor wa man skur iwa da wanrah sakhiat yei wit wei maa ya ki khynnah heipor wa hap kaap ki cha chilliang sarok wei da wanrah leh i sahkut ki kari da ki kynta neidaw wa da yoh laad ki kari heh u lai wot hapyrdi wa dang chna ya u sarok.
Kamtæ ka seiñ da lai yachem ko wa u DC ka East Jaiñtia Hills ynnin hajrong ini deiwa e buit wow booh da ka No Entry ya ki kari heh khamtam heipor wa lai wei liwan skur ki khynnah khnang yow pynduna yei sahkut kari kamjooh leh yow pynsuk ya ki khynnah skur yow lait leh u jia iwon iwon wa sñiawsih.
Neiliang u DC da kular u wow chimkhia ya ini i dawa yong ka seiñ wow booh No Entry nadooh 8:00 AM hadooh 09:00 AM wa nadooh 02:00 PM hadooh ka 03:00 PM ha Khliehriat.
Ka seiñ da beiñ ko leh yei wym chimkhia nadooh kini ki por wadep wow leh iyi iyi nadooh u DC kamjooh ki pulit yow pynduna wei pyndooh pyndam yei sahkut kari iwa da ktah ya ki khynnah skur.
Discussion about this post