Lai e ka JSM yei pyrtuid ki wym pu em yoh thaw puræ Class-XI

Ynne ka sngi ka Jaiñtia Students’ Movement (JSM) da lai yachem ko ya ka Additional Deputy Commissioner ka West Jaiñtia Hills District yow booddien ya ka chithi wa da phah cha ka Education Department neibynta ka Admission Class-XI uni u snem kawa da phah leh cha ka DSEO kamjooh cha u DC ka West Jaiñtia Hills District ha ka 05-05-25, heiwa katkam katai ka chithi ka JSM da pyntip chwa ko cha ka sorkar wow pynbait kamjooh u paitbniah neibynta kiwa yaleh Class-XI.

Wei da jia leh da wa dooh thaw puræ duna 200 ngut ki khynnah, kamtæ dei mynsien sñiawkhia ya ki khon khynroo, ka seiñ da lai kyrpaad ko ya ka sorkar wow thooh laad u pynyoh thaw puræ ya waroh ki khynnah hapoh ka Ri-loom Jaiñtia.

Ka seiñ da e ko leh yei pyrtuid ki khynnah wym pu yoh thaw puræ hadooh ynne kiwa da phah leh cha ka DSEO Jowai.

Related posts

Noh kiwa kreh Municipal yei jhep pyn ha tre dukan u bru wa myllien u noh jhep ha sarok

September 10, 2025

Uyi oo u Balen wa kwah ki khynroo wow yahkhmat ya ka Nepal?

September 10, 2025

Ka JSM da khut da wer ko ya ki khynnah waroh kitu ki wym pu yoh thaw puræ wow ya krehlang wa ka seiñ neibynta u pynyoh yei hok puræ puthi yong ki.

Neiliang ka ADC da kular ko wow chimkhia yeini deiwa khut ko ya ka yalang wa ki chnat wa toh u pait yeini wei daw pyntip leh yei rai hadien wa wai ka yalang.