Kawi ka khyllood kawa dang 18 snem i rta kawa tip pyrtuid kam ka Saphisha Tiewksiar Nongkhlaw kawa na Nongthymmai Jingkieng, Shillong da khlaad noh ko neiwa chah tyrrah ka thuk-thuk kawa chonglang ko wa u lok ko ha kawi ka kari Alto 800 iwa da jia ha ka 28 tarik uni u bnai heipor kamwa 6:30 i janmiet ha u sarokbah ha Sohryngkham, East Khasi Hills District.
Uni u chynrang toh uwa tip kam u Alexter Khrawbor Mulat (20 snem), uwa yah ya kani ka thuk-thuk heipor wa chah tyrrah wei da lai lutilang ki wa kiwi wei dang liwan ki na kawi ka View Point wa em ha katai ka thaaiñ.
Da khana u wa heipor wa liwan ki, da pynsangeh ki ya ka thuk-thuk harood u sarok rap hajan ka chnong Sohryngkham wa emkaam wow lai mihlait katwa kiwi ki lok ki kiwa yah Scooty da lai ki chakhmat wei mar ya palat ki da wan kawi ka kari Alto 800 (rong soo) ka wym em yoh u yoo yei Number Plate kawa da pynhær bha deiwa wan neiliang wa bakla (Wrong Side) hadooh wa da tyrrah ko ya ka thuk-thuk u wei da yut ko khlem sangeh.
Kamtæ ka kynthai da mynsoo joor ko wei da pynkit ya ka da ka Ambulance Mawryngkneng cha Civil Hospital Shillong yow yoh yei sumaar tangwa da khlaad noh ko neidaw wa joor wa mynsoo ko.
Discussion about this post