Da phiah ya ka District ha ki 28 Zone yow smat u e yarap: DC-WJH

I wan u slap wa joor nadooh i miet ka 29 tarik hadooh ynne ka sngi ha jylla da ktah i ya chiboon nadooh i lai i wan ki bru, i khih i kreh wei wot hadooh wa da dooh leh ya ki ar tylli ki mynsien wa kordor ha East Khasi Hills.

Hawa yaklam wa u Deputy Commissioner ka West Jaiñtia Hills, u Abhinav Kumar Singh ynne ka sngi da pyntip u wa da pynkhreh bha ki bor sorkar wow yakhun pyrchah lada em i chah ktah ha kylleiñ ka District. 

Da pyntikna u wa em ki jia wa khian kam i oor ki dieñ wa i tkut ki sainar bordiñ tangwa waroh man ki ki kaam wa ye u pynbait. 

Chooh chooh da ong u wa waroh ki Department da man ki kiwa da pynkhreh wei ki chuti kiwa kreh leh da pyndam ya ki nadooh ki khian hadooh ki sahep.

Related posts

Yow lait u em kiwa pynthut ya ki Magistrate wa ki pulit, da pynkrehkaam da ka Section 163 ha thaaiñ Thangskoo

February 7, 2026

Pyndep ki 24 ngut ki khynnah ka Jaintia Eastern College yei chah sikai taan bordiñ

February 7, 2026

U Abhinav da pyntip u leh wa da phiah ya ka District ha ki 28 tylli ki Operational Zone wa khlieh da ki Zonal Officer heiwa da dam u chaniah du ha ki BDO kam ha ki por nachwa wow e yarap. 

Da ong u wa da leh yeini khnang wow ye u e yarap smat ya iwon iwon iwa emkaam jhan weiwa kini ki Zonal Officer da man ki kiwa da pynkhreh waroh 24 kynta lada jia iwon iwon.