Kiwa yap nei joor slap, ka la’ær, u kdur ka lailieh ha Meghalaya da ku cha ynru ngut deiwa em sa soo ngut wa yap ynne hadien wa em ar ngut kiwa dooh yei mynsien ynnin ka sngi.
Kiwa dang yap toh u khynnah wa dang 14 snem uwa tip kam u Mebanskhem Mukhim (14 snem) uwa na chnong Kharang, Mawkynrew C&RD Block, EKH uwa da khlaad ynne ka sngi neidaw wa chah ban ha u dieñ uwa da pat neidaw wa joor ka la’ær.
Ha West Garo Hills leh da em ar ngut ki khynnah wa yap kiwa na ka chnong Kentapara, Dadenggre C&RD Block kiwa tip kam ka Batgrikchi A Sanmga (7 snem) wa ka Brime D Sangma (13 snem) kiwa da khlaad nei chah thlieh pyrkhat ki ynne ka sngi.
Uwi won uwa yap toh uwa tip kam u Nikolas Kharpran (36 snem) uwa na chnong Kyrdeng, Bhoirymbong C&RD Block uwa da yap ngam um ha wah Umlew kawa dang haap hapoh ka chong Mawkduk, Ri-Bhoi District.
Ki District wa chah ktah nadooh ka 29 tarik toh ka East Khasi Hills, West Garo Hills, East West Khasi Hills, Ri-Bhoi, South Garo Hills, West Jaiñtia Hills, South West Garo Hills, East Jaiñtia Hills, South West Khasi Hills wa ha West Khasi Hills.
Ki Block kiwa da chah ktah da em ki 23 tylli, ki chnong 49 tylli, kiwa chong chnong 1094 ngut, ki yung ki sem 28 tylli, ki bru wa mynsoo won 4 ngut wei ki luti syngkieñ kamjooh kiwi ki thaw da em 33 tylli.
Discussion about this post