Ym em chem snaam na ka Raincoat wa suba toh ka yong ka Sonam

Hadien wa chem ya ka that jri namo ka Raincoat na thaaiñ Mawkma wa da suba toh ka yong ka Sonam Raghuvanshi, neiliang u Superintendent of Police ka East Khasi Hills, u Vivek Syiem da pyntip u wym em chem kiwon kiwon ki dak næ i snaam na kani ka Raincoat tangwa em hi ki dak poortah.

Da pyntip u wa kani ka that jri toh kawa da chem na khloo wa em hajan ka Viewpoint kawa jngai du kamwa 5 meter na u sarok, wei iyi wa bi wa em ha ka daw tip hadien wa pait bniah da ki bru ka Forensic.

Hawa kylli da ong u wym pu ye wow ong deiwa tikna wa katai ka Raincoat toh ka yong ka Sonam neibhah toh kawa heh Size iwa 3XL.

Ha iwi won i liang, u SP da pyntip u wa i thooh ya ka Sonam ha Wei Sawdong dang lai ko chakhmat ynne ka sngi leh deiwa em le rtap ki bru wa hiar cha riat tangwa ym pu em chem ka.

Related posts

U Pilot ka IAF uwa siat ya ka Jet ka Pakistan wei hadien chah kem, u man noh u kam u Commercial Pilot

September 3, 2026

Pynkup burom ka NPP ya u James Sangma

September 3, 2026

Katkam wa pyntip u SP, najrong ki pulit wa ki SOT, da em leh ki bru ka SDRF, NDRF wa ki bru ka chnong kiwa da wan e yarap yow thooh ya ka Sonam.