Yoh bor ki pulit ka Meghalaya wow wanrah ya ki 4 ngut kiwa emkti wow pynyap ya u Raja cha Shillong

Ki pulit ka Meghalaya da yoh ki ya ka 7 Day Transit Remand neibynta ki le ngut ki chynrang kiwa da yoh u kem kitæ u Akash Rajput, u Vishal Singh Chauhan wa u Raj Singh Kushwaha kiwa da emkti hei pynyap ya u Raja Raghuvanshi yow wanrah ki cha Shillong.

Ya kini ki le ngut da wanrah hakhmat u Chief Judicial Magistrate (CJM) ha Indore uwa da e bor ya ki pulit wow kit ya kini cha Meghalaya yow pynman yei takit.

Ya ini leh da pyntikna da u Additional DCP (Crime), u Rajesh Dandotiya katwa ya uwi won uwa tip kam u Anand Kurmi uwa na chong Basahari, Sagar District Madhya Pradesh dang wanrah oo cha Indore wei ya uni u leh daw rah ya oo cha Shillong da ong u.

Ya ka Sonam won da lai thooh ya ka da ki pulit kynthai ynne kiwa dang poi ha Uttar Pradesh ha i thaw wa booh ya ka ha Ghazipur.

Related posts

Booh ka sorkar USA ya ka Map wa pura ka India | Chrai ka Pakistan

February 7, 2026

Lai kem mooyong ki bor sorkar na 21 tylli ki thaw wa em ha East Jaiñtia Hills

February 7, 2026