Mynjur ka sorkar ya ka CM’s Regional Connectivity Scheme wow thied 90 tylli ki Bus neibynta ki District wa ki Block

Ka dhab ki Montri ka sorkar jylla namo ka Meghalaya Cabinet da pdiang ko ya ka Chief Minister’s Regional Connectivity Scheme 2025, wow pynjanai yei lai i wan ki paidbah deiwa thied ya ki 90 tylli ki Bus thymme wow pynyabi ya ki District, ki Block wa ki thaw wa man kam ki Headquarter ha kylleiñ ka jylla.

Kani ka Scheme da mang ko wow pynsuk ya kiwa lai kreh, ki khynnah, kiwa khih wa khan wa kiwa lai wa wan man-ka-sngi heiwa kini ki Bus u poi thaw ki man i step 9:30 wei u liwan won ki 5:30 i janmiet.

Wow pynchlur ya ki bru samen, daw e laad ya ki wow pynlai ya kini ki Bus heithaw da ki chnat sorkar. 

Ka sorkar daw e ko leh ya ka Subsidy wa 50% na i dor ki Bus wa ka 35% ka Down Payment heiwa ya ka ram u su cha ki Bank hapoh san snem.

Related posts

Pynkup burom ka Blood Bank Jowai ya ki chynrang wa kynthai wa myllien wow e snaam sñiawbha

June 14, 2025

Najrong ka Rs. 1 klur samen, pynbna ka Air India sa Rs. 25 lak samen cha kiwa ha-yung kiwa khlaad

June 14, 2025

Neiliang kiwa thied daw hap ki wow e 5% donhi wei kawa sah ka 60% daw man ko kam ka ram na ki Bank.

U Montri ka sorkar jylla uwa man leh uwa e ktien ka sorkar MDA, u Paul Lyngdoh da ong u wa daw pynchlur wow thied da ki kari bordiñ wei ki luti leh toh kiwa dadep jied wow pynlai ya kini ki Bus.