Kiwa yoh ya u khñiang kjut COVID-19 ha kani ka kynti dapoi ki leh cha ki jylla ka thaaiñ North East heiwa ynnin da em 7 ngut kiwa dang yoh thymme ha Manipur iwa man waroh 20 ngut kiwa dang em ya uni u khñiang kjut.
Na kini ki 20 ngut kiwa yoh ya uni u khñiang, 14 ngut toh na Imphal West District, 3 na Imphal East wa mar iwi na Kakching, Thoubal wa Bishnupur District.
Ha ka 9 tarik uni u bnai, kawi ka kynthai wa 23 snem da yoh ko ya uni u COVID-19 ha Manipur, iwa man wa nyngkong dooh ha ki jylla ka thaaiñ mihsngi.
Neiliang u Health Services Director ka Manipur, u Dr. Chambo Gonmei da ong u wa kani ka bru toh kawa na Bishnupur District wei da em ko ya ki dak kjut COVID wei manda Test da pyntikna wa em ko ya ini u khñiang kjut.
Ha kiwi ki jylla ka North East kiwa da yoh ya uni u khñiang kattæ toh ha Assam wa em 22 ngut kiwa dang em ya uni u khñiang, Nagaland da em uwi, ha Sikkim 45 ngut wa 4 ngut ha Tripura.
Hapoh ka India waroh kawi kiwa dang em ya uni u khñiang da em ki 6836 ngut.
Ka Ministry of Health and Family Welfare (MoHFW) ka ri da pynmih ko ya ki kyndon thymme wow booddien wei wow pynkhreh lada poor uni u khñiang kjut.
Discussion about this post