Ka seiñ HITO Jowai Circle da pynche ko yei mih khubor wow dawa khang ya ka Mela wa pynman ha Iawmusiang, Jowai deiwa ong wa ya kani ka khubor wa da pynmih da u Owansaki Paswet uwa man u dkhot ka seiñ toh iwa da leh u khlem da tiplang ka seiñ.
Hadien wa mih khubor, neiliang ka seiñ da lai yachem ko wa u Waheh Chnong ka Iawmusiang, Jowai kamjooh ya u tre wa pynlai ya katai ka Mini Mela. Wei hadien wa booddien ya ki kyndon aiñ ka chnong da chem wym em iwon iwon i tyngkheiñ aiñ kani ka Mini Mela.
Heijooh i por neiliang yong ka seiñ heiyatoh wa ka khubor wa da pynlait da u Owansaki Paswet, da ong wym tip ko iwon iwon hajrong kani ka khubor wei ini da man i leh samen khlem tip u Secretary ka Jowai Circle wa ki para dkhot ka seiñ.
Ka seiñ da kyntu ko ya ka chnong Iawmusiang wow pyntip cha ka seiñ lada em kiwon kiwon ki kaam wa pynlai da ki bru samen ki wym toh bynta wa ka chnong khnang wow lait u mih kulmar ha ka imlang sahlang kamjooh ha ka chnong hi waroh kawi.
Puræ leh: Dawa ka HITO wow khang ya ka Mela wa pynman ha Iawmusiang
Discussion about this post