Chem ki pulit sa kawi ka wait wa pynemkaam yow pynyap ya u Raja Raghuvanshi

Ki pulit da yoh ki wow chem sa kawi ka wait kawa pynemkaam yow pynyap ya u Raja Raghuvanshi wa da leh da ki soo ngut ha thaw pynyieñ kari ka kchaaid Wei Sawdong.

Katkam wa khana u SP ka East Khasi Hills, u Vivek Syiem, ki soo ngut da pynemkaam ki da ar tylli ki wait heiwa ya kawa nyngkong da chem hajan i metyap u Raja, wei hadien wa da tip wa da pynemkaam sa kawi ka wait, ki bru ka SDRF da hiar ki ynne yow thooh wei da chem leh ya kani ka wait na kani ka jooh ka thaw.

Kam wow pynkynmoo wa ynne da lai yah ya ka Sonam Raghuvanshi, u Vishal Singh Chauhan, u Akash Rajput wa u Anand Kurmi cha i thaw pynyap ya u Raja wei da yah leh cha kiwi ki thaw kam i thaw wa chem ya ka Raincoat ka Sonam.

Related posts

Ym em kwah wei ym em dai yei thaw ki Daistong wa em ha Lum Syrman yow tih moochuni ka Shree Cement

May 19, 2026

Dawa ka Elaka Sutnga wow pyndam ya ka Public Hearing ka Shree Cement kawa da kamtre pyrchah aiñ yei thaw ki bru

May 19, 2026

Kini ki soo ngut da pynyoo ki leh yei thaw wa pynyap ya u Raja deiwa dat da ka wait kamjooh i riat wa da noh ya oo deilang ki wait.

U Vivek da pyntip u wa ka Sonam da tympiah tympra ko ya ka Phone u Raja kamjooh ya ka yong ka wei dang yaleh wow thooh ya kini.