U Superintendent of Police ka East Khasi Hills, u Vivek Syiem da khana u wa ki pulit ka jylla Meghalaya da lai ki wow kynreh ya ka yung wa lai rieh ka Sonam Raghuvanshi ha Indore, hadien wa da dep pynyap ya u Raja Raghuvanshi.
Katkam wa khana u SP, ki pulit na Meghalaya da lai ki cha Indore ynnin ka sngi yow kynreh ya i thaw rieh ka Sonam yow chem ya ki tiar kam ka waje, i ksiar wa da wiar na met u Raja, tangwa da pyntip wa ki pulit ym em yoh ki iyi iyi na katai ka yung.
U Vivek da ong u wa ki pulit ka jylla daw neh ki sa kattu katni sngi ha Indore yow pynman ya ka takit cheiwon wiar ki tiar boi ya ye u em ki bru wa rah ya kitai ki tiar wa kynthup yei ksiar.
Discussion about this post