Chah ujor uwa chim ram na ka SBI Khliehriat yow thied Truck tangwa ym su u kawa dapoi palat Rs. 26 lak

U Prashenjit Paul, Field Officer ka SBI Khliehriat Branch, EJH da ujor u ha ki pulit wa ha ka 17-05-22, ka Bank da e ram ko cha uwi u bru yow thied ya ka Tata Tipper Truck, deiwa pynchah pyn da kani ka Truck yow chim ram.

Tangwa uni u bru ym em su u ya kani ka ram wot hadien wa da pynkynmoo oo da boonsien hawa em hi u leh ka poisa wow su ya kani ka ram.

Ka ram wa da sah man ko Rs. 26,94,733 wei hawa pyrchang ka Bank wow lai chimkti ya kani ka kari ym bien u wow ya krehlang wa ka Bank.

Ha kawi won ka khubor, uwi u bru wa na chnong Songsak Agitokgre, EGH da ujor u wa ha ka 4 tarik uni u bnai da thied u ya kawi ka iPhone 12 Mini (Second Hand) kawa man yong u Barmingham R Marak hei dor wa Rs.10,840 na ‘Cashify Super Sale’ ha Facebook wei da su ya kani ka poisa lyngba ka GPay. Ha ka 6 tarik da em wa Phone oo deiwa paan sa Rs. 600 kam ka bai lai e heiwa yeini leh da su u. Tangwa hadooh kattæ leh ym pu em wan e ya kani ka Phone.

Related posts

Pyndep ki MCS wa thymme ka Meghalaya yei chah sikai wa boon jait hadooh cha baar ri

June 24, 2025

₹5 lak na ka CM Special Grant wa ₹1 lak na ka chnat Sports yoh yarap ka Rifiness

June 24, 2025

Kawi won ka kynthai kawa sah ha Upper Nongstoiñ, WKH da ujor ko wa ha ka 3 tarik uni u bnai da yoh Message ko na i Number wym tipmit ha u WhatsApp heiwa da yoh ko ya ka APK File (SBI-Credit Card). Hadien wa wai ko ya kani ka File wei da Install ya kani ka App, da yoh Message ko wa da em wa pynlut Rs. 88,000 na ka SBI Credit Card ko.

Sa ha iwi won i chah thok, kawi ka bru wa chong chnong ha Shillong da ujor ko wa ha ka 11 tarik uni u bnai da lai e ko ya ka CV yow yaleh yei kreh Online wei hadien won da yoh Message ko ha WhatsApp na ka ‘Grow Technology Teleservices’ heiwa da phah ya ka wow embynta hei jied kreh ha ka 14, 15 wa 16 tarik uni u bnai heiwa da leh ko yeini.

Hadien won da em wa thap (Add) ka hapoh ka WhatsApp Group wa tip kam ka ‘2T27’ heiwa da phah ya ka wow Subscribe cha u YouTube Channel ‘Air India’ wei da pyntip won cha ka wa i kaam ko toh wow thoh yei Review ha ki Hotel Website wei wow leh ya ki kaam wa da ong ki toh ki ‘Economic Tasks’.

Ha ka 17 tarik won da phah wow leh ya kini ki ‘Economic Tasks’ heiwa da hap ko wow su chwa Rs. 50,500 heiwa da leh ko yeini tangwa hadien da tip ko wa da chah thok ko.