U Reachingson Siangshai kam uwa chong chnong ka East Jaiñtia Hills District da booh RTI u ha ka 15 tarik u Naisan 2025 ha yung krehkaam u DC ka District heiyatoh wa i rukom thung kreh ka District Selection Committee (DSC) hadien wa da wan ood kiwa yaleh kreh cha oo wym em che yei rukom leh yeini waroh.
Ha ka 25 tarik uni u bnai da yoh yei jubab ya ka RTI tangwa u Reachingson da ong u wym em hun yei yoh jubab.
Da ong u wa heiyatoh wa i kreh neibynta ki Sectional Assistant heipor wa pynmih ya ka Advertisement da em du ar tylli ki kreh wa lait tangwa hawa mih Result won da em le ngut kiwa yoh yeini i kreh. Wei neidaw wym em u DC uwa man kam u Chairman ym em yoh u wow kylli pynche heiyatoh wa ini.
Chooh chooh ha ka jubab ya ka RTI heiyatoh wa ki kreh Grade-III wa em 38 tylli ki kreh wa lait, da em hadooh 12,400 ngut kiwa yaleh katwa ha ka Grade-IV wa em hadooh 30 tylli ki kreh wa lait, kiwa thap kreh won da em ki 12,782 ngut.
Da kylli u leh ya ki Marks wa yoh kini kiwa yaleh Grade-III wa Grade-IV ha kawi pa kawi ka bynta ka Exam tangwa ka jubab wa da yoh toh du neibynta kitu donhi kiwa cha jied namo ki Selected Candidate wei ini da pynsuba wym em bood ya kawi pa kawi ka kyndon.
Kamtæ u Reachingson da ong u wa ki jubab kiwa da yoh u daw chong bichaar bniah ki wei daw paitbniah lada emkaam wow lai chakhmat da kawi won ka luti yow yoh yei che wa pura.
Discussion about this post