U Montri sorkar wa pait ya ka chnat Tourism uwa man leh uwa e ktien ka sorkar MDA-II, u Paul Lyngdoh da ong u wa neibynta kitu kiwa da mynjur wow kyrriah na Khyndailad cha ka thaw wa da pynkhreh ka sorkar ha MTC, neiliang ka sorkar da mang ko wow e mar Rs. 10,000 kam ka bai pynlut ha i por wow kyrriah ya ki mar ki mata.
Najrong ini, ka sorkar da pynkhreh ko leh wow e Rs. 2000 chi bnai cha uwi pa uwi næ kawi pa kawi kiwa lai chong ha ki dukan thymme ha i thaw wa da pynkhreh ka sorkar neibynta 5 bnai kam chibynta wow yarap heipor wa dang kyrriah cha i dukan wa thymme.
Hawa yatoh wa i pyrchah yei thmu yong ka sorkar, u Paul ym em da kdaw u ya kiwon kiwon tangwa da ong u wa em iyi iyi cha kylla yong ki kattu katni ngut kiwa yahkhmat ya ki seiñ kiwa chongdai madan, neibhah em ki kattu katni kiwa yahkhmat ki wym kwah ya ka sorkar wow pynbait noh ya kani ka kaam.
Hajrong i lai toor kiwa chongdai madan cha khyrdop ka Secretariat, u Paul da ong u wa ka sorkar ym e laad ko wow tyngkheiñ ya ki kyndon aiñ, neibhah da pynkrehkaam da ka kyndon 163 BNS yow khang yei pynlang paidbah.
Discussion about this post