U sdang noh ka Shillong Government College of Engineering ha u Naisaphra uni u snem: Rakkam

U Montri ka chnat Education ka jylla, u Rakkam A Sangma ynne da lai pait u ya ka Shillong Government College of Engineering (SGCE) wa ka Shillong Polytechnic, deiwa pyntikna wa ka SGCE u sdang e sikai noh ko namo ka Academic Session ha uni u snem.

Da ong u wa ynne da lai pait u ya ka Shillong College of Engineering wa ka Polytechnic chirup wa ki sahep ka chnat i puræ puthi neidaw wa ka First Year ka Engineering College u sdang ko ha uni u snem.

Da pyntip u leh wa ki Class u sdang ki nadooh u Naisaphra uni u snem wei da sdang wow chim Admission.

Chooh chooh da ong u wa ka sorkar India leh da mynjur ko yeiwa da tyrwa cha ka All India Council for Technical Education (AICTE) neibynta mar 30 Seat ha ki ar Course wa kynthup ya ka Civil Engineering wa Electrical Engineering.

Heiyatoh wa i pynkhreh yei thaw næ i yung kani ka College, u Rakkam da ong u wa da man iwa da biang yow sdang noh wei yang yei yohbor wa khaddooh na ka AICTE.

Related posts

Kyi ko dei khlieh wei kyrngah ko dei tdong, ong u MP warim ya ka BJP

October 26, 2026

Da 1,65,682 ngut hiar kiwa thap Vote ha Meghalaya hadien wa pyndep ya ka SIR

October 26, 2026

Heiyatoh won wa kiwa sikai da ong u wa da em ki wei ka Principal In-charge toh na Shillong Polytechnic, weiwa da em ki bru wa da biang i kyrdan yong ki.

Kam wow pynkynmoo wa ka SGCE da yohbor ko na ka AICTE wow sdang ya ka Undergraduate ha ka Civil wa Electrical Engineering.