Yarap u heh chipai wow pynkha khon ha Railway Station deiwa pynemkaam da u Clip sñiooh wa ka tari

Uwi u Doctor ka Indian Army katwa dang lai luti u da ka rel, manda poi u ha Jhansi Railway Station da yarap u ya kawi ka manbei wow kha khon deiwa pynemkaam da u Clip sñiooh wa ka tari (Pocket Knife).

Kani ka manbei wa lai luti da ka rel Panvel-Gorakhpur Express, da hap ko wow hiar na kani ka rel neidaw wa khai sooh ko ha ka 5 tarik uni u bnai.

Neiliang u Dr. Major Rohit Bachwala (31 snem) uwa man u Medical Officer ka Army Medical Corps da yoo u yeiwa jia wei da tia wot u chaphrang wow yarap ya ka. 

U Major Bachwala da ong u wa khlem em ki tiar sumaar wa paka, da pynemkaam u da u Clip sñiooh wow khnap ya u sapet, ka tari wow ah ya u sapet wa ka that wow yarap wow pynkha yei khonboo. 

Ya kani ka manbei wa i khonboo da kit ki cha Hospital da ka Ambulance wei da man ki kiwa khlan wei chait.

Related posts

Da pynman yei pynkhooid chnong ha Shangpung da ka thong wow tam ya ka Mawlynnong

August 31, 2025

Da wai ya ka thaw sait kari wa thymme hajan Ialong Tollgate

August 30, 2025

Hadien ini neiliang u Major Bachwala da pteiñ u wow lai luti cha Hyderabad.

Neiliang u Chief of Army Staff, u General Upendra Dwivedi da yaroh u ya u Major Bachwala yei chlur wei smat u wow yarap ya kani ka manbei wei da e takma u leh ya uni u Major.