U MP ka BJP na Chadni Chowk, Delhi u Praveen Khandelwal da kyntu u ya u Montri ka chnat Railway, u Ashwini Vaishnaw wow pynkylla pyrtuid noh ya ka New Delhi Railway Station.
U Khandelwal da ong u wa toh u pynkylla noh yei pyrtuid kani ka Station cha ka “Atal Bihari Vajpayee Railway Station” kam i dak wow burom ya u Prime Minister warim u Atal Bihari Vajpayee uwa da yoh leh ya i naam Bharat Ratna.
Chooh chooh u Khandelwal da tyrwa u leh wow pynkylla yei pyrtuid ka Old Delhi Railway Station (Delhi Junction) cha ka “Maharaja Agrasen Railway Station.”
Neiliang ka Mayor warim ka Nongbah Delhi, ka Rekha Gupta leh da kyrchaan ko yeini wei daw yaklam ko yeini wa u Montri ka chant Railway wa ha Parliament.
Ha ka chithi, u Khandelwal da kdaw u wa ka New Delhi Railway Station toh kawa boonkaam wei emkaam dooh ha ka ri kamtæ deiwa pynkylla yei pyrtuid hei naam u Atal Bihari Vajpayee daw man i burom wa khroo ym du ya ka Delhi tangwa wot ka ri leh.
Discussion about this post